ಬೆಳಗಾವಿ ಗ್ರಾಮೀಣ ಕ್ಷೇತ್ರಕ್ಕೆ ಮುಂದಿನ ಬಾರಿ ಗೆದ್ದರೆ ಹಾರ ಹಾಕೋಣ; ರಮೇಶ್​ ಜಾರಕಿಹೊಳಿ ಸವಾಲ್

ಬೆಳಗಾವಿ: ಕಳೆದ ಬಾರಿ ಚುನಾವಣೆಯಲ್ಲಿ ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಜನತೆ ನನ್ನ ನಂಬಿ ಲಕ್ಷ್ಮೀ ಹೆಬ್ಬಾಳ್ಕರ ಅವರನ್ನು ಗೆಲ್ಲಿಸಿದ್ದರು. ಮುಂದಿನ ಬಾರಿ ಅವ್ರು ಗೆದ್ದರೆ ಅವರಿಗೆ ಹಾರ ಹಾಕೋಣ ಎಂದು ಜಲಸಂಪನ್ಮೂಲ ಸಚಿವ ರಮೇಶ್​ ಜಾರಕಿಹೊಳಿ ಸವಾಲ್ ಹಾಕಿದರು. ನಗರದಲ್ಲಿ ಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಶಾಸಕಿ ಬಗ್ಗೆ ಮಾತನಾಡದಂತೆ ನನಗೆ ವರಿಷ್ಠರ ವಾರ್ನಿಂಗ್ ಇದೆ . ನಮ್ಮ ಪ್ರಮುಖರ ಸಲಹೆ ಮೇರೆಗೆ ಕಳೆದ 6 ತಿಂಗಳಿಂದ ಶಾಸಕಿ ವಿರುದ್ದ ಒಂದು ಶಬ್ದ ಮಾತನಾಡಿಲ್ಲ.

2018 ರ ವಿಧಾನಸಭೆ ಚುನಾವಣೆಯಲ್ಲಿ ನನ್ನ ನಂಬಿ ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಶಾಸಕಿಗೆ ಜನರು ಮತ ಹಾಕಿದ್ದರು. ಮುಂದಿನ ವಿಧಾನಸಭೆ ಚುನಾವಣೆಯಲ್ಲಿ ಒಂದು ವೇಳೆ ಶಾಸಕಿ ಮರು ಆಯ್ಕೆಯಾದ್ರೆ ಹಾರ ಹಾಕೋಣ ಎಂದು ಅವರ ಹೆಸರು ಪ್ರಸ್ತಾಪಿಸದೆ ಸಾಹುಕಾರ್ ಓಪನ್ ಚಾಲೆಂಜ್ ಹಾಕಿದರು.