ತಿಪಟೂರಿನ ವೈದ್ಯ ದಂಪತಿಗಳಿಗೆ ಡಿಸಿಎಂ ಲಕ್ಷ್ಮಣ ಸವದಿ ಸಲಾಂ

ಬೆಂಗಳೂರು: ಕೋವಿಡ್ ಅಪಾಯಕಾರಿಯಾಗಿ ವ್ಯಾಪಿಸುತ್ತಿದ್ದರೂ ತಿಪಟೂರಿನ ಡಾ. ಶ್ರೀಧರ್ ದಂಪತಿಗಳು ನಿರಂತರವಾಗಿ ಕೋವಿಡ್ ಪೀಡಿತರಿಗೆ ಪ್ರತಿನಿತ್ಯ ಉಚಿತ ಚಿಕಿತ್ಸೆ ಮತ್ತು ಊಟೋಪಚಾರಗಳನ್ನು ನೀಡುತ್ತಾ ಮಾದರಿ ಸೇವೆ ಸಲ್ಲಿಸುತ್ತಿರುವುದು ನಿಜಕ್ಕೂ ಅಭಿನಂದನೀಯವಾಗಿದೆ.

ತಮಗೆ ಹಣ ಮುಖ್ಯವಲ್ಲ, ಜನರ ಜೀವ ಮುಖ್ಯ ಎಂಬ ಧ್ಯೇಯದೊಂದಿಗೆ ಈ ವೈದ್ಯ ದಂಪತಿಗಳು " ವೈದ್ಯೋ ನಾರಾಯಣೋ ಹರಿ" ಎಂಬ ಮಾತನ್ನು ಅಕ್ಷರಶ: ನಿಜಗೊಳಿಸಿ ಪ್ರಾಣದಾತರಾಗಿದ್ದಾರೆ.

ಈ ವೈದ್ಯರ ಅನುಪಮ ಸೇವೆಗೆ ನಮ್ಮೆಲ್ಲರ ಆತ್ಮೀಯ ಮೆಚ್ಚುಗೆಗಳು ಎಂದು ಉಪಮುಖ್ಯಮಂತ್ರಿ ಲಕ್ಷ್ಮಣ ಸವದಿ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.