PSLV-C59/PROBA-3: ಯಶಸ್ವಿ ಉಡಾವಣೆಯೊಂದಿಗೆ ಭಾರತದ ಬಾಹ್ಯಾಕಾಶದಲ್ಲಿ ಮತ್ತೊಂದು ಮೈಲುಗಲ್ಲು

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ,NSIL ಮತ್ತು ಯೂರೋಪಿಯನ್ ಬಾಹ್ಯಾಕಾಶ ಸಂಸ್ಥೆ ತಂಡಗಳ ಶ್ರಮದ ಫಲವಾಗಿ PSLV-C59 ಮಿಷನ್ ಯಶಸ್ವಿಯಾಗಿ ಉಡಾಯಿಸಲಾಯಿತು. ಈ ಮಿಷನ್ PROBA-3 ಉಪಗ್ರಹಗಳನ್ನು ಬಾಹ್ಯಾಕಾಶಕ್ಕೆ ಕೊಂಡೊಯ್ಯುವ ಮೂಲಕ ಜಾಗತಿಕ ಬಾಹ್ಯಾಕಾಶ ಸಂಶೋಧನೆ ಮತ್ತು ತಂತ್ರಜ್ಞಾನದ ಕ್ಷೇತ್ರದಲ್ಲಿ ಭಾರತ ತನ್ನ ಪ್ರಮುಖ ಪಾತ್ರವನ್ನು ಮತ್ತೊಮ್ಮೆ ಸಾಬೀತು ಮಾಡಿದೆ.

ಮಿಷನ್ ಪ್ರಮುಖಾಂಶಗಳು:

ಉದ್ದೇಶ: PROBA-3 ಮಿಷನ್, ESAಯ ಇನ್-ಆರ್ಬಿಟ್ ಡೆಮನ್‌ಸ್ಟ್ರೇಶನ್ (IOD) ಕಾರ್ಯಕ್ರಮ, ಎರಡು ಉಪಗ್ರಹಗಳ ಸಹಾಯದಿಂದ ನಿಖರವಾದ ಫಾರ್ಮೇಶನ್-ಫ್ಲೈಯಿಂಗ್ ತಂತ್ರಜ್ಞಾನವನ್ನು ಪ್ರದರ್ಶಿಸಲು ವಿನ್ಯಾಸಗೊಳಿಸಲಾಗಿದೆ. ಈ ಉಪಗ್ರಹಗಳು ಕೃತಕ ಸೂರ್ಯಗ್ರಹಣಗಳನ್ನು ಸೃಷ್ಟಿಸುವ ಮೂಲಕ ಸೂರ್ಯನ ಕೊರೋನಾದ ಅಧ್ಯಯನಕ್ಕೆ ಹೆಚ್ಚಿನ ಸಮಯ ನೀಡುತ್ತವೆ.

Proba-3 successfully lifted off from Satish Dhawan Space Centre on @isro's PSLV-XL on 5 December 2024.

The double-satellite is the most ambitious member yet of our Proba family of experimental missions. Two spacecraft will fly together as one, maintaining precise formation down… pic.twitter.com/WKwFdyQ6CK

— European Space Agency (@esa) December 5, 2024

ಉಡಾವಣಾ ವಾಹನ: PSLV-C59 ISROನ 61ನೇ ಮತ್ತು PSLV-XL ಸಂರಚನೆಯನ್ನು ಬಳಸಿದ 26ನೇ ಮಿಷನ್ ಆಗಿದೆ. ಈ ಉಡಾವಣೆ ಆಂಧ್ರಪ್ರದೇಶದ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ನಡೆಯಿತು.

ಅಂತರರಾಷ್ಟ್ರೀಯ ಸಹಕಾರ: ಈ ಮಿಷನ್ NSIL, ISRO ಮತ್ತು ESA ತಂಡಗಳ ನಡುವಿನ ಶ್ರೇಷ್ಠ ಸಹಭಾಗಿತ್ವವನ್ನು ಪ್ರತಿನಿಧಿಸುತ್ತದೆ. PROBA-3 ಉಡಾವಣೆ ತಂತ್ರಜ್ಞಾನ, ವಿಜ್ಞಾನ, ಮತ್ತು ನಾವೀನ್ಯತೆಯಲ್ಲಿ ನೂತನ ಹೆಜ್ಜೆಗಳನ್ನು ಹಾಕಿದೆ.

ಈ ಮಿಷನ್ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಭಾರತಕ್ಕೊಂದು ಹೆಮ್ಮೆಯ ಕ್ಷಣವಾಗಿದ್ದು, ಜಾಗತಿಕ ಬಾಹ್ಯಾಕಾಶ ಸಮುದಾಯದಲ್ಲಿ ಭಾರತದ ಮಹತ್ವವನ್ನು ಮತ್ತೆ ಖಚಿತಪಡಿಸಿದೆ.