ನಾಯಿ ಅಂತ ತೋಚಿತು… ಆದರೆ ಇದು ರೋಬೋ! ಐಪಿಎಲ್ 2025 ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಇವನೇ!
ಪ್ರತಿಯೊಂದು ವರ್ಷಕ್ಕೂ ಹೊಸತನ ತರುವ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್),ಈ ಬಾರಿ ಕ್ರಿಕೆಟ್ ಅಭಿಮಾನಿಗಳಿಗೆ ಇನ್ನೊಂದು ವಿಶಿಷ್ಟ ಅನುಭವ ಕೊಟ್ಟಿದೆ ಅದು ರೋಬೋ ನಾಯಿ ಚಂಪಕ್.
ಈ ಯಾಂತ್ರಿಕ ನಾಯಿ ಮೈದಾನದ ಒಳಗಡೆ ಓಡಾಡುತ್ತಾ, ಕ್ಯಾಮೆರಾ ಮೂಲಕ ವಿಶಿಷ್ಟ ದೃಶ್ಯಗಳನ್ನು ಸೆರೆಹಿಡಿಯುತ್ತಾ, ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ಕ್ರಿಕೆಟ್ ಆಟಗಾರರೊಂದಿಗೆ ಸ್ನೇಹಭಾವದಿಂದ ನಡೆದುಕೊಳ್ಳುವ ಈ ಚಂಪಕ್, ಮಕ್ಕಳಿಂದ ಹಿರಿಯರ ತನಕ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಎಂ.ಎಸ್. ಧೋನಿ ಈ ರೋಬೋ ನಾಯಿಯೊಂದಿಗೆ ತಮಾಷೆ ಮಾಡಿಕೊಂಡ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಐಪಿಎಲ್‌ನಲ್ಲಿ ತಂತ್ರಜ್ಞಾನ ಮತ್ತು ಮನರಂಜನೆಯ ಸಂಯೋಜನೆಯ ಉದಾಹರಣೆಯಾಗಿದೆ.
ಈ ರೀತಿಯ ಹೊಸತನಗಳ ಮೂಲಕ ಐಪಿಎಲ್ ಕೇವಲ ಕ್ರಿಕೆಟ್ ಪಂದ್ಯವಲ್ಲ, ಅದು ಒಟ್ಟು ಕುಟುಂಬದ ಮನರಂಜನೆಯ ಹಬ್ಬವಾಗಿದೆ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದೆ.