ಅಫ್ಘಾನಿಸ್ತಾನದ ಜನತೆಗೆ ಆಶಾಕಿರಣವಾದ ಭಾರತದ ಲಸಿಕೆ

ಅಫಘಾನಿಸ್ತಾನ : ಎಚ್.ಇ. ಅಫ್ಘಾನಿಸ್ತಾನದ ಸಾರ್ವಜನಿಕ ಆರೋಗ್ಯ ಸಚಿವರಾದ ಶ್ರೀ ವಹೀದ್ ಮಜ್ರೋಹ್ ಅವರು ಇಂದು ಕಾಬೂಲ್‌ನ ಹಮೀದ್ ಕರ್ಜೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸಿಡಿಎ ಶ್ರೀ ರಘುರಾಮ್ ಎಸ್ ಅವರಿಂದ ಲಸಿಕೆ ರವಾನೆಯನ್ನು ಪಡೆದರು. ಭಾರತ ಈ ಹಿಂದೆ ಅಫ್ಘಾನಿಸ್ತಾನಕ್ಕೆ 20 ಮೆಟ್ರಿಕ್ ಟನ್ ಕೋವಿಡ್ -19 ಔಷಧಿಗಳನ್ನು ಉಡುಗೊರೆಯಾಗಿ ನೀಡಿತ್ತು.

ಅಫ್ಘಾನಿಸ್ತಾನದ ಆಹಾರ ಸುರಕ್ಷತೆಯನ್ನು ಬಲಪಡಿಸಲು ಭಾರತವು ಚಬಹಾರ್ ಬಂದರಿನ ಮೂಲಕ 75,000 ಮೆ.ಟನ್ ಗೋಧಿಯನ್ನು ಮಾನವೀತೆಯ ನೆರವು ನೀಡಿದೆ.

ಲಸಿಕೆಗಳನ್ನು ಪುಣೆಯ ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ತಯಾರಿಸಿದೆ ಮತ್ತು ಏರ್ ಇಂಡಿಯಾ ವಿಮಾನದ ಮೂಲಕ ಕಾಬೂಲ್‌ಗೆ ಕಳುಹಿಸಲಾಗಿದೆ. ಭಾರತವು ಈವರೆಗೆ 55 ಲಕ್ಷ ಡೋಸ್ ಲಸಿಕೆಗಳನ್ನು ನಮ್ಮ ನೆರೆಯ ರಾಷ್ಟ್ರಗಳಿಗೆ ಮತ್ತು ವಿಸ್ತೃತ ನೆರೆಹೊರೆಯಲ್ಲಿ ಪೂರೈಸಿದೆ.

ಭಾರತವು ಈ ಪ್ರದೇಶದಲ್ಲಿ ಹೆಚ್ಚು ಲಸಿಕೆಗಳನ್ನು ಉತ್ಪಾದಿಸುವ ದೇಶವಾಗಿದೆ ಮತ್ತು ಜಾಗತಿಕ ಲಸಿಕೆ ಉತ್ಪಾದನೆಯ 60% ಭಾರತದಿಂದ ಬಂದಿದೆ. COVID-19 ಲಸಿಕೆಗಳನ್ನು ಹೊರತುಪಡಿಸಿ, ಜಾಗತಿಕವಾಗಿ ಭಾರತವು ಡಿಪಿಟಿ, ಬಿಸಿಜಿ ಮತ್ತು ದಡಾರ ಲಸಿಕೆಗಳನ್ನು ಅತಿ ಹೆಚ್ಚು ಪೂರೈಸುತ್ತಿದೆ. WHO ತನ್ನ ಅಗತ್ಯ ರೋಗನಿರೋಧಕ ಲಸಿಕೆಗಳಲ್ಲಿ 70% ಭಾರತದಿಂದ ಪಡೆಯುತ್ತದೆ.