ದೆಹಲಿ ಪೊಲೀಸರ ಕಾರ್ಯಾಚರಣೆ ಮಹಿಳೆಯರಿಗೆ ಮೋಸ ಮಾಡುತಿದ್ದ ನಕಲಿ ಸೈನಿಕ ಬಂಧನ

ದೆಹಲಿ: ನವದೆಹಲಿಯ ಮೋಹನ್ ಗಾರ್ಡನ ನಿವಾಸಿ ದಿಲೀಪ್ ಕುಮಾರ್ (40) ಎಂದು ಗುರುತಿಸಲಾಗಿರುವ ನಕಲಿ ಸೇನಾ ನಾಯಕನನ್ನು ಬಂಧಿಸಿ ವಿಚಾರಣೆ ನಡೆಸಲು ಮಿಲಿಟರಿ ಗುಪ್ತಚರ ಅಧಿಕಾರಿಗಳು, ಐಬಿ ಮತ್ತು ದೆಹಲಿ ಪೊಲೀಸರ ವಿಶೇಷ ತಂಡ ಗ್ರೇಟರ್ ಕೈಲಾಶ್ ಪೊಲೀಸ್ ಠಾಣೆಗೆ ಆಗಮಿಸಿದ್ದಾರೆ.

ಪಾಕಿಸ್ತಾನದ ಇಂಟರ ಸರ್ವೀಸಸ್ ಇಂಟೆಲಿಜೆನ್ಸ್ (ಐಎಸ್‌ಐ) 40 ವರ್ಷದ ವ್ಯಕ್ತಿಯನ್ನು ನಿಜವಾದ ಆರ್ಮಿ ಆಫೀಸರ ಎಂದು ತಿಳಿದು ಹನಿಟ್ರ್ಯಾಪ್ ಮಾಡಲು ಪ್ರಯತ್ನಿಸುತಿತ್ತು ಎಂದು ತಿಳಿದು ಬಂದಿದೆ.

ಪೊಲೀಸ್ ಮೂಲಗಳ ಪ್ರಕಾರ ಪಾಕಿಸ್ತಾನದ ಐಎಸ್ಐ ಈತನನ್ನು ನಿಜವಾದ ಅಧಿಕಾರಿ ಎಂದು ಪರಿಗಣಿಸಿದೆ ಮತ್ತು ಹನಿ ಟ್ರ್ಯಾಪ್ ಮಾಡಿ ಮಾಹಿತಿ ಕಲೆ ಹಾಕಲು ಪ್ರಯತ್ನಿಸುತ್ತಿತ್ತು ಎಂದು ತಿಳಿದು ಬಂದಿದೆ.

ಇದಕ್ಕೂ ಮುನ್ನ ಶುಕ್ರವಾರ ಗ್ರೇಟರ್ ಕೈಲಾಶ್ -1 ರ ಅರ್ಚನಾ ರೆಡ್ ಲೈಟ್ ಬಳಿ ಸೇನಾಧಿಕಾರಿಯಂತೆ ನಟಿಸಿದ ಕುಮಾರ್ ಅವರನ್ನು ದೆಹಲಿ ಪೊಲೀಸರು ಬಂಧಿಸಿದ್ದರು.

ಆರೋಪಿ 100 ಕ್ಕೂ ಹೆಚ್ಚು ವಾಟ್ಸಾಪ್ ಗುಂಪುಗಳ ಸದಸ್ಯರಾಗಿದ್ದಾನೆ ಮತ್ತು 100 ಕ್ಕೂ ಹೆಚ್ಚು ಮಹಿಳೆಯರೊಂದಿಗೆ ಸಂಪರ್ಕದಲ್ಲಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

"ಮೊಬೈಲ್ ಪರೀಕ್ಷಿಸಿದಾಗ, ಆರೋಪಿಗಳು ಅಂತರರಾಷ್ಟ್ರೀಯ ಸಂಖ್ಯೆಗಳೊಂದಿಗೆ ವೀಡಿಯೊ ಕರೆಗಳನ್ನು ಮಾಡಿದ್ದಾರೆ ಎಂದು ತಿಳಿದುಬಂದಿದೆ" ಎಂದು ಪೊಲೀಸರು ತಿಳಿಸಿದ್ದಾರೆ.

ವಿಚಾರಣೆಯಲ್ಲಿ, ಸಾಮಾಜಿಕ ಮಾಧ್ಯಮಗಳಲ್ಲಿ ಮಹಿಳೆಯರ ಗಮನವನ್ನು ಸೆಳೆಯಲು ತಾನು ಭಾರತೀಯ ಸೇನೆಯ ಕ್ಯಾಪ್ಟನ್ ಶೇಖರ್ ಆಗಿ ನಟಿಸುತ್ತಿದ್ದೇನೆ ಎಂದು ಆರೋಪಿ ಬಹಿರಂಗಪಡಿಸಿದ್ದಾನೆ.

ಅವನು ಕೆಲವು ವಿದೇಶಿ ಪ್ರಜೆಗಳೊಂದಿಗೆ ಚಾಟ್ ಮಾಡಿದ್ದಾನೆ ಮತ್ತು ಅವರೊಂದಿಗೆ ಕೆಲವು ವೀಡಿಯೊಗಳು ಮತ್ತು ಚಿತ್ರಗಳನ್ನು ಹಂಚಿಕೊಂಡಿದ್ದಾನೆ ಎಂದು ಪೊಲೀಸರು ಬಹಿರಂಗಪಡಿಸಿದ್ದಾರೆ.