ಸಂಸತ್ ಕಟ್ಟಡ ಉದ್ಘಾಟನೆಗೂ ಮುನ್ನ ಪ್ರಧಾನಿಯವರಿಗೆ ಸೆಂಗೋಲ್ ಹಸ್ತಾಂತರಿಸಿದ ಅಧೀನರು

ದೆಹಲಿ :ಇಂದು ಮುಂಜಾನೆ ಚೆನ್ನೈನಿಂದ ದೆಹಲಿಗೆ ಆಗಮಿಸಿದ ಹಲವಾರು ಅಧೀನಂ ಅರ್ಚಕರು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ನೂತನ ಸಂಸತ್ ಭವನ ಉದ್ಘಾಟನೆಗೆ ಒಂದು ದಿನ ಮುಂಚಿತವಾಗಿ ಸೆಂಗೋಲ್ ಹಸ್ತಾಂತರಿಸಿದ್ದಾರೆ.

ತಿರುವವಾಡುತುರೈ ಅಧೀನಂ ದಾರ್ಶನಿಕರು ಚೆನ್ನೈನಿಂದ ಮಧ್ಯಾಹ್ನ 3 ಗಂಟೆಗೆ ರಾಷ್ಟ್ರ ರಾಜಧಾನಿಗೆ ಆಗಮಿಸಿದರು.

ನೂತನ ಸಂಸತ್ ಭವನದ ಉದ್ಘಾಟನಾ ಸಮಾರಂಭದಲ್ಲಿ ಪ್ರಧಾನಿ ಮೋದಿ ಅವರು ಸಭಾಧ್ಯಕ್ಷರ ಆಸನದ ಬಳಿ ಸೆಂಗೊಲ್ ಇರಿಸಲಿದ್ದಾರೆ.

#WATCH | Delhi | Ahead of the inauguration ceremony of #NewParliamentBuilding, PM Narendra Modi meets the Adheenams at his residence and takes their blessings. The Adheenams handover the #Sengol to the Prime Minister pic.twitter.com/Vvnzhidk24

— ANI (@ANI) May 27, 2023

ಸೆಂಗೋಲ್ ಬಗ್ಗೆ ಕಿರು ಮಾಹಿತಿ 

ಚೋಳ ರಾಜವಂಶದ ಸಂಪ್ರದಾಯದ ಪ್ರಕಾರ, ತಮಿಳಿನಲ್ಲಿ ಸೆಂಗೋಲ್ ಎಂದು ಕರೆಯಲ್ಪಡುವ ರಾಜದಂಡವನ್ನು ಅವರ ಪಟ್ಟಾಭಿಷೇಕದ ಸಮಯದಲ್ಲಿ ರಾಜಮನೆತನದ ಹೊಸ ರಾಜನಿಗೆ ಹಸ್ತಾಂತರಿಸಲಾಗುತ್ತದೆ.

ಈ ಪದ್ಧತಿಯು ಚೋಳ ರಾಜವಂಶದ ಆಳ್ವಿಕೆಯಿಂದ ಹುಟ್ಟಿಕೊಂಡಿತು ಎಂದು ತಿಳಿದು ಬಂದಿದೆ,ಭಾರತವು ಯುನೈಟೆಡ್ ಕಿಂಗ್‌ಡಮ್‌ನಿಂದ 15 ಆಗಸ್ಟ್ 1947 ರಂದು ಸ್ವಾತಂತ್ರ್ಯ ಪಡೆದಾಗ, ಅಧಿಕಾರದ ಹಸ್ತಾಂತರದ ಮೊದಲು, ಗವರ್ನರ್-ಜನರಲ್ ಲಾರ್ಡ್ ಮೌಂಟ್‌ಬ್ಯಾಟನ್ ಅವರು ಜವಾಹರಲಾಲ್ ನೆಹರು ಅವರಿಗೆ ಅಧಿಕಾರದ ವರ್ಗಾವಣೆಯ ಸಂಕೇತವಾಗಿ ಸೆಂಗೋಲ್ ನೀಡಿದ್ದರು.