ಇಂಡಿಯನ್ ಕರಾಟೆ ಕ್ಲಬ್ ಬೆಳಗಾವಿಯ ಇಬ್ಬರು ವಿದ್ಯಾರ್ಥಿಗಳಿಗೆ ಬ್ಲಾಕ್ ಬೆಲ್ಟ್

ಬೆಳಗಾವಿ: ಕರಾಟೆ ಬೆಲ್ಟ್ ಪರೀಕ್ಷೆಯನ್ನು ಇಲ್ಲಿನ ಹಿಂದವಾಡಿಯ ಹಿಂದ್ ಕೋ-ಆಪರೇಟಿವ್ ಸೊಸೈಟಿ ಸಭಾಂಗಣದಲ್ಲಿ ನಡೆಸಲಾಯಿತು. ಈ ಪರೀಕ್ಷೆಯಲ್ಲಿ ಒಟ್ಟು 70 ಕಲರ್ ಬೆಲ್ಟ್ ಕರಾಟೆ ವಿದ್ಯಾರ್ಥಿಗಳು ಭಾಗವಹಿಸಿದ್ದರು‌. ಇಬ್ಬರು ಬ್ಲಾಕ್ ಬೆಲ್ಟ್ ವಿದ್ಯಾರ್ಥಿಗಳನ್ನು ಗೌರವಿಸಿ ಸನ್ಮಾನಿಸಿದರು.

ಭಾರತೀಯ ಕರಾಟೆ ಕ್ಲಬ್ ಮತ್ತು ಬೆಳಗಾವಿ ಜಿಲ್ಲಾ ಕ್ರೀಡಾ ಕರಾಟೆ ಸಂಸ್ಥೆಯ ಅಧ್ಯಕ್ಷರಾದ ಗಜೇಂದ್ರ ಕಾಕತಿಕರ ಅವರು ಓಂಕಾರ ಕವೇತಿಯವರಿಗೆ ಬ್ಲಾಕ್ ಬೆಲ್ಟ , ಪ್ರಮಾಣ ಪತ್ರ ಮತ್ತು ಸ್ಮರಣಿಕೆಯನ್ನು ನೀಡಿ ಗೌರವಿಸಿದರು.

ಅದೇ ರೀತಿ ನತಾಶಾ ರಾಜು ಅಷ್ಟೇಕರ್ ಅವರಿಗೆ ಬ್ಲಾಕ್ ಬೆಲ್ಟ ಫರ್ಸ್ಟ ಡ್ಯಾನ್ ಪದವಿ ಮತ್ತು ಪ್ರಮಾಣ ಪತ್ರ ನೀಡಿ ಗೌರವಿಸಿದರು. ಅಲ್ಲದೆ, ಓಂಕಾರ ಅವರ ಪೋಷಕರಾದ ರಾಹುಲ್ ಕವೇಥಿಯಾ ಮತ್ತು ಹೀರಾ ಕವೇಥಿಯಾ ಅವರನ್ನೂ ಶಾಲು ಹೊದಿಸಿ, ಪುಷ್ಪಗುಚ್ಛಗಳನ್ನು ನೀಡಿ ಗೌರವಿಸಲಾಯಿತು.ಮತ್ತು ಈ ವಿದ್ಯಾರ್ಥಿಗಳು ತಮ್ಮ ತರಬೇತುದಾರ ಪ್ರಭಾಕರ ಕಿಲ್ಲೇಕರ್ ಅವರಿಂದ ತರಬೇತಿ ಪಡೆಯುತ್ತಿದ್ದಾರೆ.

ಇಂಡಿಯನ್ ಕರಾಟೆ ಕ್ಲಬ್ ನ ತರಬೇತುದಾರರಾದ ಹೇಮಲತಾ ಜಿ ಕಾಕತಿಕರ್, ವಿಠ್ಠಲ್ ಭೋಜಗರ್, ಪರಶುರಾಮ ಕಾಕತಿ, ವಿಜಯ್ ಸುತಾರ್, ನಿಲೇಶ ಗುರಖಾ, ಹರೀಶ್ ಸೋನಾರ್, ವಿನಾಯಕ ದಂಡಕರ್, ಪೂಜಾ ಪಾಟೀಲ್, ಸಾಹಿಲ್ ದಡ್ಡಿಕರ್, ದೀಪಕ್ ಚಂದಗಡಕರ್ ಕಾರ್ಯಕ್ರಮ ಯಶಸ್ವಿಗೊಳಿಸಲು ಶ್ರಮಿಸಿದರು