ಸೋಮೇಶ್ವರ ಸಹಕಾರಿ ಸಕ್ಕರೆ ಕಾರ್ಖಾನೆಯ ನೂತನ ಆಡಳಿತ ಮಂಡಳಿಗೆ ಸತ್ಕಾರ

ಬೈಲಹೊಂಗಲ :  ಈ ಭಾಗದ ಪ್ರತಿಸ್ಠಿತ ಶ್ರೀ ಸೋಮೇಶ್ವರ ಸಹಕಾರಿ ಸಕ್ಕರೆ ಕಾರ್ಖಾನೆಯ ನೂತನವಾಗಿ ಆಯ್ಕೆಯಾದ ಆಡಳಿತ ಮಂಡಳಿಗೆ ಅಭಿನಂದನೆಗಳು. ನೂತನ ಆಡಳಿತ ಮಂಡಳಿಯ ಅವಧಿಯಲ್ಲಿ ಕಾರ್ಖಾನೆ ಮತ್ತಷ್ಟು ಪ್ರಗತಿ ಹೊಂದಿ, ಈ ಭಾಗದ ರೈತರ ಶ್ರೇಯೋಭಿವೃದ್ದಿಗೆ ಶ್ರಮಿಸಲಿದೆ ಎಂದು  ಮಾಜಿ ಶಾಸಕ ಡಾ. ವಿಶ್ವನಾಥ  ಪಾಟೀಲ ಹೇಳಿದರು. 

ಅವರು  ಪಟ್ಟಣದ ವಿದ್ಯಾನಗರದಲ್ಲಿರುವ ತಮ್ಮ ಗೃಹ ಕಚೇರಿಯಲ್ಲಿ ಬೆಳವಡಿಯ ಶ್ರೀ ಸೋಮೇಶ್ವರ ಸಹಕಾರಿ ಸಕ್ಕರೆ ಕಾರ್ಖಾನೆ ನಿಯಮಿತ,  ನೂತನವಾಗಿ  ಅಧ್ಯಕ್ಷರಾಗಿ ಆಯ್ಕೆಯಾದ  ಬಸವರಾಜ ರಮೇಶ ಬಾಳೇಕುಂದರಗಿ, ಉಪಾಧ್ಯಕ್ಷ  ಮಹಾಂತೇಶ ಮತ್ತಿಕೊಪ್ಪ ಮತ್ತು  ನಿರ್ದೇಶಕರುಗಳಾಗಿ ಆಯ್ಕೆಯಾದ   ಮಹಾಬಳೇಶ್ವರ(ರಾಜು) ಕುಡಸೋಮಣ್ಣವರ, ಅಶೋಕ ವೀರಪ್ಪ ಯರಗೋಪ್ಪ, ಕಾರ್ತಿಕ ಮಲ್ಲೂರ, ಮಲ್ಲಪ್ಪ  ಅಷ್ಟಗಿ, ಅದೃಶ್ಯಪ್ಪ ಕೋಟಬಾಗಿ, ಅಶೋಕ ಬಾಳೇಕುಂದರಗಿ, ರಾಮಚಂದ್ರ ಕಕ್ಕಯ್ಯನವರ, ಶ್ರೀಶೈಲ ಶರಣಪ್ಪನವರ, ಉಮೇಶ ಬಾಳಿ ಹಾಗೂ ಸಹಾಯಕ ಕೃಷಿ ಅಧಿಕಾರಿಯಾಗಿ ಸೇವೆ ಸಲ್ಲಿಸಿ ವಯೋನಿವೃತ್ತಿ ಹೊಂದಿದ ಶ್ರೀ ವೀರಭದ್ರಪ್ಪ ಈಟಿ ಅವರಿಗೆ ಸತ್ಕರಿಸಿ ಮಾತನಾಡಿದರು. 
ಅಧ್ಯಕ್ಷ ಬಸವರಾಜ ಬಾಳೆಕುಂದರಗಿ, ಉಪಾಧ್ಯಕ್ಷ ಮಹಾಂತೇಶ ಮತ್ತಿಕೊಪ್ಪ ಸನ್ಮಾನ ಸ್ವೀಕರಿಸಿ ಮಾತನಾಡಿ, ಈ ಭಾಗದ ರೈತರ ಹಿತ ಕಾಪಾಡುವಲ್ಲಿ ಶ್ರೀ ಸೋಮೇಶ್ವರ ಸಹಕಾರಿ ಸಕ್ಕರೆ ಕಾರ್ಖಾನೆಯು ಬದ್ದವಾಗಿದ್ದು, ನಮ್ಮ ಅಧಿಕಾರಾವಧಿಯಲ್ಲಿ ಕಾರ್ಖಾನೆಯನ್ನು ಉನ್ನತ ಮಟ್ಟಕ್ಕೆ ತೆಗೆದುಕೊಂಡು ಹೋಗಲು ಪ್ರಮಾಣಿಕವಾಗಿ ಶ್ರಮಿಸುತ್ತೇವೆ ಎಂದರು. 

ಡಾ. ವಿಶ್ವನಾಥ ಪಾಟೀಲ ಅವರ ಅಭಿಮಾನಿ ಬಳಗ,  ಕಾರ್ಯಕರ್ತರು ಇದ್ದರು.