ಕೋಕಟನೂರ ನ್ಯಾಯವಾದಿ ಸುಭಾಸ ಪಾಟನಕರ ಶವ ಕೃಷ್ಣಾ ನದಿಯಲ್ಲಿ ಪತ್ತೆ

ಅಥಣಿ: ಕೋಕಟನೂರ ಗ್ರಾಮದ ನ್ಯಾಯವಾದಿ ಸುಭಾಸ ಪಾಟನಕರ (55) ಅವರು ನಾಪತ್ತೆಯಾಗಿದ್ದ ಪ್ರಕರಣದಲ್ಲಿ ತಿರುವು ಕಂಡುಬಂದಿದ್ದು, ಅವರ ಶವ ಕೃಷ್ಣ ನದಿಯಲ್ಲಿ ಪತ್ತೆಯಾಗಿದೆ.

ಕಳೆದ ಎರಡು ದಿನಗಳ ಹಿಂದೆ ಅವರು ಕಾಣೆಯಾದ ಸುದ್ದಿ ಹಬ್ಬಿತ್ತು. ಈ ಬಗ್ಗೆ ಕುಟುಂಬಸ್ಥರು-athನಿಯ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಪ್ರಕರಣದ ತನಿಖೆ ನಡೆಸಿದ ಪೊಲೀಸರು ಹಳ್ಯಾಳ ಗ್ರಾಮದ ಹೊರವಲಯದಲ್ಲಿ ಕೃಷ್ಣ ನದಿ ಸೇತುವೆ ಮೇಲೆ ಪಾಟನಕರ ಅವರ ಬೈಕ್ ಪತ್ತೆಹಚ್ಚಿದರು. ಈ ಹಿನ್ನೆಲೆಯಲ್ಲಿ ನದಿಯೊಳಗೆ ಶೋಧ ಕಾರ್ಯಾಚರಣೆಗೆ ಮುಂದಾಗಿದ್ದರು.

ಶೋಧ ಕಾರ್ಯಾಚರಣೆ ಯಶಸ್ವಿ:
ಅಗ್ನಿಶಾಮಕ ದಳ ಮತ್ತು ಎಸ್‌ಡಿಆರ್‌ಎಫ್ ತಂಡದ ಸಹಾಯದಿಂದ ನಿರಂತರ ಶೋಧ ಕಾರ್ಯಾಚರಣೆ ನಡೆಸಿ, ಇಂದು ಬೆಳಿಗ್ಗೆ 36 ಗಂಟೆಗಳ ನಂತರ ವಕೀಲರ ಶವ ನದಿಯಲ್ಲಿ ಪತ್ತೆಯಾಯಿತು.

ಕುಟುಂಬದ ಆಕ್ರಂದನ:
ಪಾಟನಕರ ಅವರ ಕಾಣೆಯಾದ ದಿನವೇ ಅವರ ಅಣ್ಣನ ಮಗನ ಮದುವೆಯ ತಯಾರಿಯಲ್ಲಿದ್ದ ಕುಟುಂಬಕ್ಕೆ ಈ ಆಘಾತ ಸುದ್ದಿಯು ಅವರ ಮದುವೆಯ ಸಂಭ್ರಮವನ್ನು ದುಃಖದಲ್ಲಿ ಮುಳುಗಿಸಿತು.

ತನಿಖೆಯ ಪ್ರಗತಿ:
ಈ ಪ್ರಕರಣದಲ್ಲಿ ಕುಟುಂಬಸ್ಥರು ಕಿಡ್ನಾಪ್ ಅಥವಾ ಕೊಲೆಯ ಶಂಕೆ ವ್ಯಕ್ತಪಡಿಸಿದ್ದು, athನಿಯ ಪೊಲೀಸರು ಆ ದೃಷ್ಟಿಯಿಂದ ತನಿಖೆಯನ್ನು ಮುಂದುವರಿಸುತ್ತಿದ್ದಾರೆ.

ಈ ದುಃಖದ ಘಟನೆಯ ಹಿಂದಿನ ನಿಜವಾದ ಕಾರಣವನ್ನು ಪತ್ತೆಹಚ್ಚಲು ಪೊಲೀಸರಿಂದ ಮುಂದಿನ ಕ್ರಮ ಕೈಗೊಳ್ಳಲಾಗುತ್ತಿದೆ.