ಬೆಳಗಾವಿಯಲ್ಲಿ ಸದ್ದಿಲ್ಲದೆ ನಡೆದಿದೆ ಡಾಗ್ ಶೋ

ಬೆಳಗಾವಿ ಶ್ವಾನ ಸಾಕಾಣಿಕೆಗೆ ಪ್ರಸಿದ್ದವಾಗಿದೆ. ಶ್ವಾನ ಪ್ರೇಮ ಆರಂಭಗೊಂಡಿದ್ದು, ಬ್ರೀಟಿಷ್ ಕಾಲದಿಂದ ಕೇವಲ ಬೆಕ್ಕುಗಳನ್ನು ಸಾಕುತ್ತಿದ್ದ ನಮಗೆ ಶ್ವಾನ ಕೂಡ ಸೇರ್ಪಡೆಗೊಂಡಿತ್ತು. ಇವುಗಳಿಗಾಗಿಯೇ ಶ್ವಾನ ಪ್ರಿಯರು ಸೇರಿ ರಾಷ್ಟ್ರ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಂಘ ಕಟ್ಟಿಕೊಂಡು ಇವುಗಳ ಸ್ಪರ್ಧೆ ನಡೆಸುವುದು ಸಂಪ್ರದಾಯವಾಗಿದೆ. ಬೆಳಗಾವಿಯಲ್ಲಿಯೂ ಶ್ವಾನಗಳ ಸ್ಪರ್ಧೆ ನಡೆಯುತ್ತದೆ ಎಂದರೆ ಅಶ್ಚರಿಪಡಬೇಕಿಲ್ಲ.

ನಗರದ ಶಗುನ್ ಗಾಡ್೯ನಲ್ಲಿ  ಎರಡು ದಿನಗಳ ಶ್ವಾನ ಸ್ಪರ್ಧೆಯನ್ನು ಬೆಳಗಾವಿ ಸಿನಿ ಅಸೋಸಿಯೇಷನ್  ಮಾಡಿತ್ತು. ಶ್ವಾನ ಸ್ಪರ್ಧೆಯಲ್ಲಿ ಒಟ್ಟು 1,700  ಶ್ವಾನಗಳು ಪಾಲ್ಗೊಂಡಿವೆ.

ಕರ್ನಾಟಕ, ಗುಜರಾತ, ನಾಸೀಕ್, ಜಮ್ಮು ಕಾಶ್ಮೀರ, ಮಹಾರಾಷ್ಟ್ರ, ಗೋವಾ, ಶ್ರೀರಂಗಪಟ್ಟಣ, ಕೊಡುಗು, ಕೆರಳ, ಛತ್ತಿಸಗಡ, ಉತ್ತರ ಪ್ರದೇಶ, ದೆಹಲಿ, ಪಂಜಾಬ್, ಹರಿಯಾಣಾ, ಔರಾಂಗಾಬಾದ್, ಚೆನ್ನೈ, ಕೊಲ್ಲಾಪುರ ಸೇರಿದಂತೆ ದೇಶದ ನಾನಾ ಕಡೆಗಳಿಂದ ಆಕರ್ಷಕ ಶ್ವಾನಗಳು ಸ್ಪರ್ಧೆಯಲ್ಲಿ ಭಾಗವಹಿಸಿ ಪ್ರೇಕ್ಷಕರಿಗೆ ರಸದೌತಣ ನೀಡಿದವು.

ಮನುಷ್ಯನ ಸ್ವಭಾವವನ್ನು ಹೋಲುವ ಹೇಳಿದಂತೆ ಕೇಳುವ ಕಲಿಕೆಯ ಮಾತುಗಳು ಈ ಎಲ್ಲ ಶ್ವಾನಗಳದ್ದು, ಮನುಷ್ಯ ಮಾತು ಮೀರಬಹುದು. ಆದರೆ ಈ ಶ್ವಾನಗಳು ಹೇಳಿದಂತೆ ಯತಾವಥಾಗಿ ವರ್ತಿಸುತ್ತವೆ. ಶ್ವಾನಗಳು ಶೃಂಗಾರ ಕೂಡ ವಿಶೇಷತೆಯಾಗಿದೆ. ಅದರದ್ದೆಯಾದ ಬ್ಯೂಟಿ ವ್ಯವಹಾರಗಳು, ಶ್ವಾನ ಸಾಕಿದವರ ಕೆಲಸವೆ ಆಗಿದೆ. ತಾವು ಏನು ತಿನ್ನುತ್ತಾರೆ, ಏನು ಊಟ ಮಾಡುತ್ತಾರೆ, ಏನು ಕುಡಿಯುತ್ತಾರೆ ಎನ್ನುವುದಕ್ಕಿಂತ ಶ್ವಾನಕ್ಕೆ ಏನು ತಿನ್ನಿಸಬೇಕು. ಏನು ಕುಡಿಸಬೇಕು, ಹೇಗೆ ಶೃಂಗರಿಸಬೇಕು ಎನ್ನುವ ಚಿಂತೆಗಳೆ ಶ್ವಾನ ಮಾಲೀಕರದ್ದು.

ಭಾನುವಾರ ಸಮಾರೋಪಗೊಂಡ ರಾಷ್ಟಮಟ್ಟದ ಈ ಸ್ಪರ್ಧೆ ಬೆಳಗಾವಿ ನಗರದಲ್ಲಿ ಸದ್ದಿದಲ್ಲದೆ ನಡೆಯುತ್ತಿದೆ. ಜನಸಾಮಾನ್ಯನಿಗೆ ಈ ಸ್ಪರ್ಧೆಯ ವಿಷಯ ಗೊತ್ತಿಲ್ಲದಿದ್ದರೂ ಶ್ವಾನ ಪ್ರೀಯರಿಗೆ ಗೊತ್ತಿದ್ದ ವಿಷಯ. ನಗರದ ಕ್ಯಾಂಪ್ ಪ್ರದೇಶ ನಾಯಿ ಸಾಕಾಣಿಕೆಗೆ ಬ್ರಿಟಿಷ್ ಕಾಲದಿಂದಲೂ ಪ್ರಸಿದ್ಧಿಯಾದ ಸ್ಥಳ.