ಶಿವಾಜಿ ಮಹಾರಾಜರ ಪ್ರತಿಮೆ ಕುಸಿತ: ಮೃಣಾಲ ಹೆಬ್ಬಾಳ್ಕರ್ ಪ್ರಧಾನಿ ಮೋದಿ ಮತ್ತು ಮಹಾ ಸಿಎಂ ವಿರುದ್ಧ ಕಿಡಿ

ಬೆಳಗಾವಿ: ಮಹಾರಾಷ್ಟ್ರದ ಸಿಂಧುದುರ್ಗದಲ್ಲಿ ಪ್ರಧಾನಿ ನರೇಂದ್ರ ಮೋದಿ, ರಕ್ಷಣಾ ಸಚಿವ ರಾಜನಾಥ ಸಿಂಗ್, ಮತ್ತು ಮಹಾರಾಷ್ಟ್ರದ ಮುಖ್ಯಮಂತ್ರಿಗಳು 8 ತಿಂಗಳ ಹಿಂದೆ ಉದ್ಘಾಟಿಸಿದ ಶಿವಾಜಿ ಮಹಾರಾಜರ ಪ್ರತಿಮೆ ಕುಸಿದಿರುವ ಬಗ್ಗೆ ಕಾಂಗ್ರೆಸ್ ಮುಖಂಡ ಮೃಣಾಲ ಹೆಬ್ಬಾಳ್ಕರ್ ಬಿಜೆಪಿ ನಾಯಕರ ಮೌನವನ್ನು ಗಂಭೀರವಾಗಿ ಟೀಕಿಸಿದ್ದಾರೆ.

ಬೆಳಗಾವಿಯ ರಾಜಹಂಸ ಘಟ್ಟದಲ್ಲಿ ಲಕ್ಷ್ಮಿ ಹೆಬ್ಬಾಳ್ಕರ್ ಉದ್ಘಾಟಿಸಿದ ಶಿವಾಜಿ ಮಹಾರಾಜರ ಪ್ರತಿಮೆಯ ಯಶಸ್ಸನ್ನು ಮೆಚ್ಚಿ ಹೊಗಳಿದರೆ, ಸಿಂಧುದುರ್ಗದಲ್ಲಿ ಪ್ರತಿಮೆಯ ಕುಸಿತಕ್ಕೆ ಬೇಸರ ವ್ಯಕ್ತಪಡಿಸಿದರು.

ಬೆಳಗಾವಿಯಲ್ಲಿನ ಪ್ರತಿಮೆ ದೃಢವಾಗಿ ನಿಂತಿದೆ, ಆದರೆ ಪ್ರಧಾನ ಮಂತ್ರಿ ಹಾಗೂ ಪ್ರಮುಖ ಬಿಜೆಪಿ ನಾಯಕರಿಂದ ಉದ್ಘಾಟಿಸಲ್ಪಟ್ಟ ಪ್ರತಿಮೆ ಕೇವಲ 8 ತಿಂಗಳಲ್ಲಿಯೇ ಕುಸಿದಿದೆ,ಎಂದು ಅವರು ಆಕ್ಷೇಪ ವ್ಯಕ್ತಪಡಿಸಿದರು.

ಹಿಂದುತ್ವ ಮತ್ತು ಹಿಂದೂ ರಾಷ್ಟ್ರದ ಪರವಾಗಿಸದಾ ಮಾತನಾಡುವ ಬಿಜೆಪಿ ನಾಯಕರ ಮೌನದ ಬಗ್ಗೆ ಪ್ರಶ್ನೆ ಎತ್ತಿದರು.

ಈ ಘಟನೆಗೆ ಸಂಬಂಧಿಸಿದಂತೆ ಆಕ್ರೋಶ ಎಲ್ಲಿದೆ? ಎಂದು ಅವರು ಕೇಳಿದರು.ಬಿಜೆಪಿ ನಾಯಕರು ಸದಾ ನಮ್ಮ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಮೌಲ್ಯಗಳನ್ನು ರಕ್ಷಿಸುವುದಾಗಿ ಸಾರುತ್ತಾರೆ, ಆದರೆ ಶಿವಾಜಿ ಮಹಾರಾಜರಂತಹ ಮಹಾನ್ ಪುರುಷರ ಪ್ರತಿಮೆ ಕುಸಿದಾಗ, ಅವರು ಮಾತ್ರ ಮೌನವಿದೆ. ಈ ವಿಫಲತೆಯ ವಿರುದ್ಧ ಪ್ರತಿಭಟನೆ ಮಾಡುವ ಧೈರ್ಯ ಇವರಿಗಿಲ್ಲವೇ? ಎಂದು ಪ್ರಶ್ನಿಸಿದರು.

ಶಿವಾಜಿ ಮಹಾರಾಜರ ಪ್ರತಿಮೆ ನಿಂತಿರುವುದು ನಮ್ಮ ದೇಶದ ವೀರತನ ಮತ್ತು ಸಾಂಸ್ಕೃತಿಕ ಪರಂಪರೆಯನ್ನು ಮುಂದಿನ ಪೀಳಿಗೆಗಳಿಗೆ ಸಾರಲು ಅತಿ ಮುಖ್ಯವಾಗಿದ್ದು, ಈ ರೀತಿಯ ಕುಸಿತವು ಕೇವಲ ಶಿಲ್ಪದ ಕುಸಿತವಲ್ಲ, ಇದು ನಮ್ಮ ಸಂಸ್ಕೃತಿಯ ಅವಮಾನವೆಂದು ಅವರು ಹೈಲೈಟ್ ಮಾಡಿದರು.

ಪ್ರಧಾನ ಮಂತ್ರಿ ನರೇಂದ್ರ ಮೋದಿ, ಮಹಾರಾಷ್ಟ್ರದ ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿಗಳು ಈ ಘಟನೆಗೆ ಜವಾಬ್ದಾರಿಯಲ್ಲಿದ್ದು, ಶಿವಾಜಿ ಮಹಾರಾಜರ ಅಭಿಮಾನಿಗಳಿಗೆ ಕ್ಷಮೆ ಕೇಳಬೇಕೆಂದು ಹೆಬ್ಬಾಳ್ಕರ್ ಒತ್ತಾಯಿಸಿದರು.ಇದು ಅವರ ಕರ್ತವ್ಯವಾಗಿದೆ ಮತ್ತು ಅವರು ಈ ತಪ್ಪನ್ನು ಒಪ್ಪಿಕೊಂಡು ಕ್ಷಮೆ ಕೇಳಬೇಕು ಎಂದರು.

ಈ ಕುರಿತು ಕಾಂಗ್ರೆಸ್ ಪಕ್ಷವನ್ನು ಮುನ್ನಡೆಸುವುದಾಗಿ ಘೋಷಿಸಿದ ಹೆಬ್ಬಾಳ್ಕರ್, ನಾವು ಈ ವಿಷಯದಲ್ಲಿ ಹೋರಾಟ ಮಾಡುತ್ತೇವೆ. ಇಡೀ ಕಾಂಗ್ರೆಸ್ ಒಟ್ಟಾಗಿ ಶಿವ ಭಕ್ತರ ನ್ಯಾಯಕ್ಕಾಗಿ ಹೋರಾಡಲಿದೆ, ಎಂದು ಘೋಷಿಸಿದರು.